Staršyna raźviedroty Pavietrana-desantnych vojskaŭ Rasii Aschab Alibiekaŭ prasłaviŭsia, dziakujučy svajmu kanału na jutubie. U im vajskoviec biaźlitasna krytykuje prezidenta Rasii Uładzimira Pucina.
«Słuchaj, Pucin Uładzimir Uładzimiravič, idzi dadomu, idzi da žonki svajoj, žonkaj svajoj zajmajsia, krainu nie čapaj. Ty ŭžo amal 20 hadoŭ va ŭładzie, ty nikomu dychać nie daješ. Heta chłuśnia, što našych sałdataŭ niama va Ukrainie, my tam hiniem, ty ckuješ našych sałdat z ukrainskim narodam.
Ukrainskija braty — heta našy braty. Kali ty zabješ ukraincaŭ, to chto nastupnyja na čarzie? Biełarusy? Biełarusy, tak? A paśla chto? Tatary? Chočaš usiu Rasiju źniščyć? Usie mohiłki ŭ Rasii zapoŭnienyja mahiłami maładych chłopcaŭ. Tvaje rejtynhi padymajucca tolki za košt vajny. Tabie nie nadakučyła zabivać našych sałdataŭ?» — emacyjna kaža Alibiekaŭ.
Paśla taho, jak hetaje videa było zapisanaje, Alibiekava zvolnili z rasijskaha vojska. Aficyjnaj pryčynaj stała bojka sa słužboŭcam, jakaja adbyłasia za niekalki hadoŭ da hetaha. Nieaficyjna ž jamu skazali, što nie buduć zvalniać, kali ŭ videa paprosić prabačeńnie ŭ Pucina.
15 sakavika ŭ Navarasijsku Alibiekaŭ byŭ zatrymany supracoŭnikami pravaachoŭnych orhanaŭ i aryštavany na 10 sutak. Sprava ŭ tym, što mužčyna płanavaŭ być naziralnikam na prezidenckich vybarach.
