Ahrakłasy źjaviacca ŭ biełaruskich škołach u novym navučalnym hodzie. Ab hetym karespandentu BiełTA paviedamiŭ pieršy prarektar Biełaruskaha dziaržaŭnaha ahrarnaha techničnaha ŭniviersiteta Mikałaj Ramaniuk.
«Z novaha navučalnaha hoda ŭ biełaruskich škołach naroŭni ź piedkłasami źjaviacca i ahrakłasy. Na dadzieny momant u nas jość akreślenaja damoŭlenaść ab stvareńni 10 takich kłasaŭ. My ŭžo padrychtavali praktyčna ŭsiu prahramnuju dakumientacyju dla nastaŭnikaŭ škoł, jakija buduć ich vieści», — skazaŭ Mikałaj Ramaniuk.
Jon adznačyŭ, što ahrakłasy płanujecca adkryvać u vioscy i ŭ nievialikich haradach pa ŭsioj respublicy. «Ahrakłasy buduć stvaracca na bazie 10—11-ch kłasaŭ škoł bujnych viosak, sioł, nievialikich haradoŭ, časam rajonnych centraŭ. Trapić tudy dzieci zmohuć paśla razmovy, uličvacca buduć i vynikovyja bały», — prainfarmavaŭ pieršy prarektar.
Pa słovach Mikałaja Ramaniuka, taksama pastaŭlena zadača stvaryć škoły ŭ najlepšych haspadarkach krainy, dzie pierśpiektyŭnyja studenty sielhasśpiecyjalnaściaŭ zmohuć prachodzić vytvorčuju praktyku. «Škoły buduć stvorany pry bujnych bazavych haspadarkach z dobrym abstalavańniem. Tam studenty buduć vyvučać novuju techniku, asvojvać sučasnyja technałohii. Praca pa stvareńni škoł viadziecca. Zaraz našy studenty prachodziać praktyku na bazie troch vučebna-navukova-vytvorčych centraŭ pry SVK «Ahrakambinat Snoŭ», Ahrakambinat «Dziaržynski» i «Ždanovičy», — skazaŭ na zakančeńnie jon.
