Vykid amijaku adbyŭsia siońnia na minskim pradpryjemstvie «Małočny haściniec», paviedamlaje 112.by
Siońnia ŭ 11.26 u MNS pastupiła paviedamleńnie, što spracavaŭ aparatna-prahramny kompleks na pradpryjemstvie «Małočny haściniec», što pa Partyzanskim praśpiekcie, 170.
«Ratavalniki, jakija prybyli na miesca zdareńnia, vyśvietlili, što ŭ adnym z cechaŭ adbyvajecca vychad amijačnych paraŭ. Miarkujecca, pryčynaj incydentu mahło stać paškodžańnie salnika amijačnaha kampresara. Rabotniki abjekta panizili cisk u kampresary, adklučyli jaho, u pamiaškańni spracavała sistema arašeńnia. Rabotniki MNS aharadzili miesca zdareńnia i razbavili kancentracyju amijačnaj vady. U 13.42 raboty byli zavieršany», — paviedamlaje pres-słužba MNS.
Pieravyšeńnie normaŭ hranična dapuščalnaj kancentracyi fiksavałasia tolki ŭ pamiaškańni cecha, vychadu rečyva za miežy budynka nie adbyłosia. Paciarpiełych niama.
