Pavodle paviedamleńnia ratavalnikaŭ i miedykaŭ, u vyniku chimičnaj ataki ŭ siryjskaj pravincyi Uschodniaja Huta zahinuli nie mienš za 70 čałaviek, pieradaje VVS.
U svaju čarhu, vałanciorskaja arhanizacyja The White Helmets paviedamlaje, što kolkaść zahinułych moža dasiahać 100 čałaviek. Paranienych — da 1000 čałaviek.
Pa paviedamleńniach, bačkovaja bomba, jakaja ŭtrymoŭvała zaryn, imavierna, była skinutaja viertalotam.
U Dziaržaŭnym departamiencie ZŠA zajavili, što kantralujuć paviedamleńni i što Rasija, jakaja vajuje na baku siryjskaha ŭrada, pavinna nieści adkaznaść za vykarystańnie śmiarotnych chimikataŭ.
«Historyja vykarystańnia chimičnaj zbroi režymam suprać ułasnaha naroda biassprečnaja. Rasija ŭ kančatkovym vyniku niasie adkaznaść za žorstkija ataki na nieźličonuju kolkaść siryjcaŭ z užyvańniem chimičnaj zbroi», — zajavili ŭ Dziarždepie.
