U subotu, 7 krasavika, jon pakinuŭ budynak prafsajuza rabotnikaŭ mietałurhičnaj pramysłovaści ŭ pryharadzie San-Paŭłu, u jakim chavaŭsia.
Raniej u toj ža dzień sotni prychilnikaŭ eks-kiraŭnika dziaržavy, jaki da hetaha času karystajecca papularnaściu ŭ Brazilii, błakavali budynak prafsajuza, nie dajučy jaho aŭtamabilu adjechać.
Paśla zatrymańnia Łułu pavinny dastavić u horad Kuryciba na poŭdni krainy, dzie jon budzie adbyvać pryznačany jamu 12-hadovy termin pakarańnia.
Napiaredadni, 6 krasavika, 72-hadovy palityk uchiliŭsia ad dobraachvotnaj jaŭki ŭ palicyju, jak heta było zahadana rašeńniem sudździ, jaki vypisaŭ order na jaho aryšt. Adnak Łuła da Siłva vyrašyŭ nie ŭciakać, a schavaŭsia ŭ budynku prafsajuza, jaki kaliści ŭznačalvaŭ.
Łuis Inasiu Łuła da Siłva zajmaŭ pasadu prezidenta Brazilii z 2003 pa 2010 hod. Jon mieŭ namier vyłučyć svaju kandydaturu na novych vybarach u kastryčniku 2018 hoda, na jakich moh by stać favarytam z rejtynham kala 36 adsotkaŭ.
Levacentrysckaja Partyja pracoŭnych, zasnavanaja Łuła da Siłva, pa-raniejšamu padtrymlivaje jaho kandydaturu.
Brazilija pieražyvaje zaciažny ŭradavy kryzis u suviazi z maštabnymi antykarupcyjnymi rasśledavańniami. Jany ŭžo pazbavili prezidenckaha kresła pierajemnicu da Siłvy — Dyłmu Rusief. Joj abviaścili impičmient ŭ žniŭni 2016 hoda. Taksama padazreńni ŭ karupcyi vystavili i nastupnamu kiraŭniku dziaržavy Mišelu Temieru.
