Prezident Siryi Bašar Asad raskazaŭ, što jaho dzieci letaś adpačyvali ŭ krymskim łahiery «Artek». Pra heta žurnalistam zajaviŭ deputat Dziarždumy Dźmitryj Sablin pa vynikach sustrečy rasijskich parłamientaryjaŭ z Asadam, pieradaje TASS.
Fota: SalamNews, 2017 hod.
«Maje dzieci letaś adpačyvali ŭ «Arteku». Paśla hetaha jany stali lepš razumieć Rasiju. Na dniach jany raspaviali mnie, što chutka budzie zavieršana budaŭnictva Krymskaha mosta», — pracytavaŭ Asada Sablin.
U Bašara Asada troje dziaciej — dačka Ziejn Asad, joj 14 hadoŭ, i dva syny — Karym Asad (13 hadoŭ) i Chafiez al-Asad (16 hadoŭ). U 2017 hodzie dzieci siryjskaha prezidenta pačali vučyć ruskuju movu.
Rasijskaja delehacyja pad kiraŭnictvam kaardynatara deputackaj hrupy pa suviaziach z parłamientam Siryi Dźmitryjem Sablinym prybyła ŭ Siryju 11 krasavika. Pry hetym, piša RBK, tady delehaty byli ŭpeŭnienyja, što ZŠA nie zmohuć nanieści ŭdar pa «pasłach miru», jak jany siabie nazvali.
