U 2018 hodzie 10 rezidentaŭ industryjalnaha parku «Vialiki kamień» płanujuć pabudavać svaje pradpryjemstvy. Pra heta ŭ prahramie «Tydzień» na telekanale STB zajaviŭ namieśnik kiraŭnika Administracyi prezidenta Mikałaj Snapkoŭ, paviedamlaje BIEŁTA.
«Prynamsi my stavim takuju zadaču, što 10 rezidentaŭ pavinny pabudavacca, a 25 — pačać budaŭnictva», — skazaŭ Mikałaj Snapkoŭ.
Jon adznačyŭ, što situacyja, u jakoj na papiery rezident jość, a nasamreč budaŭnictva jašče nie pačałosia, biełaruski bok chvaluje. «Tamu na Radzie akcyjanieraŭ, jakaja adbyłasia ŭ sakaviku, my dla siabie vyznačyli dakładny ałharytm dziejańniaŭ. Jość peŭny časavy rehłamient, kali jany pavinny pačać budavacca i zapuścić vytvorčaść na poŭnuju mahutnaść. Kali heta budzie vykonvacca, to jany rezidentami zastanucca. Kali nie, to prosta nie buduć zajmać ziamlu, tamu što na dadzieny momant popyt vysoki», — dadaŭ jon.
«354 ha, pieršaja zona asvajeńnia — heta krychu mienš za 20% ad taho, što budzie vykarystana rezidentami. Prezident daŭ vyrazny impuls, što tut pavinny być pradpryjemstvy, jakija buduć farmavać ekanomiku budučyni», — reziumavaŭ Mikałaj Snapkoŭ.
«»U kancy minułaha hoda park, z ulikam najaŭnaj infrastruktury i padychodaŭ pry budaŭnictvie, atrymaŭ jeŭrapiejski siertyfikat mieniedžmientu ekałahičnaj jakaści, jakaja budzie kožnyja paŭhoda pierapraviaracca i paćviardžacca. Na dadzieny momant heta adzinaje miesca na postsavieckaj prastory, dzie jość taki siertyfikat», — padkreśliŭ Mikałaj Snapkoŭ.
