Rasijski rehulatar śfiery masavych kamunikacyj prystupiŭ da błakavańnia mieśsiendžiera Telegram. Ab hetym paviedamlajecca na sajcie Roskomnadzora. Zabłakavać Telegram raniej vyrašyŭ Tahanski sud Maskvy z-za admovy administracyi miesiendžara vydać FSB klučy šyfravańnia paviedamleńniaŭ karystalnikaŭ, paviedamlaje Bi-bi-si.
«Infarmacyja pra dadzienyja internet-resursy (sajty «Tielehrama») u paniadziełak, 16 krasavika, nakiravanaja apierataram suviazi z metaj abmiežavańnia dostupu», - havorycca ŭ paviedamleńni, apublikavanym na sajcie Roskomnadzora.
Kiraŭnik Roskomnadzora Alaksandr Žaraŭ zajaviŭ, što viedamstva taksama zapatrabuje ad Apple i Google vydalić prykładańnie Telegram sa svaich kramaŭ.
«Kolki zojmie praces błakavańnia? Niekalki hadzin, pakolki apieratary jaho vyhružajuć, i praces błakavańnia budzie pastupova narastać», - dadaŭ Žaraŭ.
Zasnavalnik Telegram Pavieł Duraŭ nazvaŭ błakavańnie miesiendžara na terytoryi Rasii antykanstytucyjnym.
