Žurnalist, jaki pisaŭ pra hibiel rasijskich najmitaŭ u Siryi, pamior u balnicy paśla padzieńnia z bałkona svajoj kvatery na piatym paviersie ŭ Jekaciarynburhu, paviedamlaje Bi-bi-si.
Traŭmiravanaha Maksima Baradzina znajšli pad bałkonam susiedzi, jon byŭ dastaŭleny ŭ balnicu, dzie paźniej pamior.
Miascovyja aficyjnyja asoby zajavili, što nie znojdziena nivodnaha śviedčańnia, što heta było samahubstva, ale incydent naŭrad ci maje kryminalny charaktar.
Adnak siabar Baradzina Viačasłaŭ Baškoŭ paviedamiŭ, što dniom raniej kala jaho kvatery byli zaŭvažanyja siłaviki.
Baškoŭ nazvaŭ Baradzina «pryncypovym, sumlennym žurnalistam» i skazaŭ, što Baradzin źviazaŭsia ź im u piać hadzin ranicy 11 krasavika, skazaŭšy, što «niechta sa zbrojaj na bałkonie i ludzi ŭ kamuflažy i maskach na leśvičnaj placoŭcy».
Baradzin šukaŭ advakata, rastłumačyŭ jon, choć paźniej patelefanavaŭ, skazaŭšy, što pamylajecca i što tyja achoŭniki brali ŭdzieł u niejkich vučeńniach.
Paśla taho, jak Baradzin byŭ znojdzieny ciažka paranienym kala budynka ŭ čaćvier, rehijanalnyja ŭłady zajavili, što dźviery jaho kvatery była zamknutyja zsiaredziny i nichto starońni nie moh trapić u kvateru abo vyjści ź jaje.
Hałoŭny redaktar «Novaha Dnia», dzie pracavaŭ Baradzin, nie vieryć, što jaho śmierć mahła być niaščasnym vypadkam i adznačaje, što ŭ jaho nie było pryčyn zabivać siabie.
Pra što pisaŭ Baradzin?
U apošnija tydni žurnalist napisaŭ pra ruskich najmitaŭ, viadomych jak «hrupa Vahniera», što, jak paviedamlajecca, byli zabityja ŭ Siryi 7 lutaha ŭ supraćstajańni z amierykanskimi vojskami.
Na minułym tydni sychodziačy ŭ adstaŭku, kiraŭnik CRU Majk Pampiea skazaŭ, što «para socień» rasijskich najmitaŭ zahinuła ŭ vyniku sutyknieńnia ŭ pravincyi Dejr-al-Zur. Najmity, vidać, udzielničali ŭ napadzie siryjskich uradavych vojskaŭ na štab-kvateru amierykanskaha sajuźnika - siryjskich demakratyčnych sił.
Praź niekalki tydniaŭ Rasieja pryznała, što niekalki dziasiatkaŭ rasijskich hramadzian byli zabityja ci paranienyja tam.
U minułym miesiacy Baradzin pisaŭ, što troje z zabitych prybyli ŭ Siryju ź Śviardłoŭskaj vobłaści — dvoje z horada Aśbiest i adzin z Kiedravaha.
Jon taksama rasśledavaŭ palityčnyja skandały, u tym liku spravu biełaruskaj eskortnicy Naści Rybki, hieraini skandalnaha videarolika, apublikavanaha Alaksiejem Navalnym.
U apošnija hady žurnalisty ŭ Rasii časta cierpiać ad pieraśledu za ich pracu. Paviedamlajecca, što ŭ toj samy dzień, kali Maksim Baradzin byŭ śmiarotna traŭmavany, adbyŭsia napad na redaktara aficyjnaj rehijanalnaj haziety ŭ Jekaciarynburhu.
Bolšaja častka rasijskich ŚMI kantralujecca dziaržavaj, a Rasija zajmaje 83-je miesca z 100 krain u rejtynhu svabody presy Freedom House.
