Vioska Hłuša pad Babrujskam nierazryŭna źviazanaja ź imiem słavutaha biełaruskaha piśmieńnika Alesia Adamoviča. Tut prajšło jahonaje dziacinstva. Tut biaruć pačatak siužety šmat jakich jahonych tvoraŭ.
U Hłušy zachavaŭsia budynak apteki, u jakoj pracavała maci Alesia Adamoviča. Užo nie adno dziesiacihodździe viaducca razmovy pra stvareńnie ŭ budynku muzieja.
Pakul muzieja niama, my, inicyjatyva pa stvareńni turystyčnaha punkta «Prypynak Adamoviča», šukajem inšyja šlachi, kab ušanavać pamiać našaha vialikaha ziemlaka, a taksama kab pryvabić ludziej naviedvać jahonyja rodnyja miaściny.
My chočam pryśviacić Alesiu Adamoviču aŭtobusny prypynak u Hłušy, pieratvaryŭšy jaho ŭ art-abjekt. My ličym, što tak my zmožam pryciahnuć uvahu jak žycharoŭ vioski, tak i haściej i tych, chto prosta jedzie mima pa trasie, da asoby Alesia Adamoviča, da pakinutaj im spadčyny.
Aŭtobusny prypynak znachodzicca kala ažyŭlenaj trasy Babrujsk — Hłusk — Słuck. Jarki pryvabny art-abjekt budzie dobra bačny tym, chto budzie prajazdžać praz Hłušu. Niechta abaviazkova zatrymajecca i daviedajecca, što tut žyŭ Aleś Adamovič.
2018 hod — Hod małoj radzimy ŭ Biełarusi. My chočam paspryjać raźvićciu małoj radzimy Alesia Adamoviča.
Kab našaja ideja realizavałasia, nam patrebny cikavy prajekt pieratvareńnia zvyčajnaha aŭtobusnaha prypynku ŭ art-abjekt, pryśviečany piśmieńniku. Tamu my sumiesna z adździełam ideałahičnaj rabocie, kultury i pa spravach moładzi Babrujskaha rajvykankama abviaščajem konkurs takich prajektaŭ.
Da ŭdziełu zaprašajem usich zacikaŭlenych, ale najpierš — navučencaŭ mastackich navučalnych ustanovaŭ, dyzajnieraŭ, architektaraŭ, tvorčych ludziej.
Konkurs raspačynajecca 23 krasavika. Dasyłać pracy nam možna da 23 traŭnia ŭklučna.
Zadačy dla ŭdzielnikaŭ konkursu:
Raspracavać eskizny prajekt prypynačnaha punkta «Prypynak Adamoviča» (dalej — p.p.), z abaviazkovaj architekturnaj pryviazkaj da prapanavanaha miesca raźmiaščeńnia, što ŭklučaje:
- raspracoŭku kanstrukcyi prypynačnaha punkta (u vypadku, kali miarkujecca budaŭnictva p.p. ci jaho značnaja pierabudova), ź pieralikam budaŭničych materyjałaŭ, ź jakich budzie stvaracca p.p. i jakimi budzie azdablacca (farby, dekaratyŭnyja elemienty, i tamu padobnaje);
- vyznačeńnie pamieru p.p. (u vypadku, kali miarkujecca budaŭnictva ci značnaja madernizacyja);
- stvareńnie eskiza;
- vyznačeńnie prykładnaha kaštarysu na budaŭnictva ci azdableńnie p.p.
Prajekt prypynku pavinien supravadžacca demanstracyjnymi materyjałami: vizualnym eskizam i tekstavym apisańniem.
Dla ŭdziełu ŭ konkursie nieabchodna dasłać zajaŭku (ideju, prajekt) na adras [email protected] da 23 traŭnia 2018 hoda.
Razhlad zajavak i vyznačeńnie pieramožcaŭ — da 31 traŭnia.
Kantaktny telefon: +375291238873, Andruś Archipienka.
Taksama ŭsia infarmacyja pra konkurs na sajcie adamovič.bieł, a taksama ŭ sacsietkach — Fejsbuk, Ukantakcie