Madyfikavany fiermient, jaki atrymaŭ abaznačeńnie PETase, pačynaje raskładać hety palimier na praciahu niekalkich dzion. Heta moža pryvieści da revalucyi ŭ spravie ŭtylizacyi płastmasavych adkidaŭ.
Pieršapačatkova hety fiermient byŭ znojdzieny ŭ Japonii. Jon źjaŭlajecca praduktam žyćciadziejnaści bakteryi Ideonella sakaiensis, jakaja pažyraje polietylen PET ŭ jakaści asnoŭnaj krynicy enierhii.
Bijachimiki stvaryli trochmiernuju kampjutarnuju madel fiermientu, užyŭšy mahutny renthienaŭski łazier. Razabraŭšysia ŭ malekularnaj struktury hetaha fiermientu, jany adznačyli, što efiektyŭnaść dziejańnia PETase možna palepšyć, uniosšy źmieny ŭ jaho pavierchnievuju strukturu.
Madel malekuły fiermientu PETase dazvoliła ŭdaskanalić jaje efiektyŭnaść. Fota: H LEE WOODCOCK
Prafiesar Džon Makhijan, adzin z aŭtaraŭ daśledavańnia, spadziajecca, što atrymanyja vyniki aznačajuć pačatak bujnoha zruchu ŭ prablemie ŭtylizacyi płastykavych adkidaŭ.