Fota: wellsofhope.org
Padatak pavinien budzie raspaŭsiudžvacca na ŭsich abanientaŭ sotavaj suviazi, jakija vykarystoŭvajuć takija servisy, jak Facebook, Twitter abo WhatsApp.
Kožny hramadzianin budzie abaviazany vypłačvać pa 200 uhandyjskich šylinhaŭ na dzień (kala 0,05 dalara ZŠA). Takim čynam, u miesiac za vykarystańnie sacsietak pryjdziecca zapłacić 1,5 dalara.
Ministr finansaŭ Uhandy Matyja Kasaija raspaviała, što ŭłady šukajuć novyja krynicy dla papaŭnieńnia biudžetu krainy, jakija buduć nakiravanyja na padtrymańnie biaśpieki i pašyreńnie elektrasietki. A heta, u svaju čarhu, dazvolić jašče bolšaj častcy hramadzianaŭ atrymać dostup da sacyjalnych sietak.
Pakul nie zrazumieła, jak budzie adsočvacca vykarystańnie peŭnych resursaŭ. Mahčyma, mabilny trafik budzie praviarać mabilny apieratar.
Pa stanie na 2016 hod, u krainie pražyvaje bolš za 43 miljony čałaviek, ź jakich kala 23 miljonaŭ źjaŭlajucca abanientami mabilnaje suviazi. Kali chacia b pałova ź ich karystajecca tymi ci inšymi sacsietkami, to
štohod biudžet Uhandy budzie papaŭniacca dadatkovymi 200 miljonami dalaraŭ.
Raniej ułady błakavali dostup da sacsietak na čas vybaraŭ.
