30 maja ŭ «Minsk-Arenie» projdzie respublikanskaje śviata «Apošni zvanok» dla vypusknikoŭ 11-ch kłasaŭ. Pra heta havorycca ŭ rasparadžeńni za podpisam premjer-ministra Andreja Kabiakova, piša Tut.by.
Pravodzić respublikanski «Apošni zvanok» daručyli ministerstvam adukacyi i kultury razam ź Minharvykankamam.
Staršynioj arhkamiteta pa padrychtoŭcy i praviadzieńniu mierapryjemstva ŭ «Minsk-Arenie» pryznačany ministr Ihar Karpienka. U skład kamiteta akramia pradstaŭnikoŭ zhadanych viedamstvaŭ ŭvajšli taksama namieśnik ministra infarmacyi Pavieł Lohki, pradstaŭnik kanała «Biełaruś 1», milicyja i transpartniki.
Pry nieabchodnaści dazvolena pryciahvać «va ŭstanoŭlenym paradku» śpiecyjalistaŭ z abłvykankamaŭ, respublikanskich orhanaŭ dziaržkiravańnia i inšych arhanizacyj.