Pamior šmathadovy kiraŭnik hrodzienskaha kulturnaha tavarystva «Tevinie» («Baćkaŭščyna») Alhimantas Dzirhinčus. Pra heta paviedamiŭ u svaim fejsbuku Andrej Vaškievič.
«Vialikaja strata dla Hrodna i vielizarnaja dla litoŭskaha Hrodna. Pamior Alhis Dzirhinčus — šmathadovy kiraŭnik hrodzienskaha kulturnaha tavarystva «Tevinie» («Baćkaŭščyna»). Jon pryjechaŭ u Horadniu ź Vilni ŭ 1960-ch hh., zakładaŭ haradzienskaje telebačańnie. Byŭ dobrym i ščyrym čałaviekam, sapraŭdnym patryjotam Litvy, Hrodna i Biełarusi. Bieź jaho litoŭskaje tavarystva Hrodna asiracieła. Bačyŭ jaho apošni raz tydzień tamu kala pomnika Vitaŭta, a ŭ sakaviku sustrakaŭsia ź im na Tavarystvie, papili kavy, pahavaryli pra płany. Pan Alhis chacieŭ źniać film pra Hrodna ŭ kancekście našaha ahulnaha minułaha i zaprasiŭ mianie paraicca. A ŭčora spyniłasia serca…», — napisaŭ Andrej Vaškievič.
