Zvarot apublikavaŭ kiraŭnik sacsietki Andrej Rahozaŭ. Jon taksama anansavaŭ zapusk hałasavych i videazvankoŭ z end-to-end šyfravańniem — technałohijaj, jakaja vykarystoŭvajecca ŭ «sakretnych čatach» Telegram:
«My ŭjaŭlajem budučyniu internetu jak biaśpiečnuju placoŭku, dzie kožny moža być upeŭnieny ŭ zachavanaści svaich dadzienych.
Adna z asnoŭnych technałohij, jakaja harantuje biaśpieku dadzienych - end-to-end šyfravańnie, jakoje adbyvajecca na pryładzie karystalnika. Pieradača jakich by ni było klučoŭ i atrymańnie dostupu da infarmacyi za miežami pryłady niemahčymaja pa vyznačeńni. Tak pracuje bolšaść viadučych servisaŭ abmienu paviedamleńniami ŭ śviecie […]
My bačym, jak praź nierazumieńnie pryncypaŭ pracy sučasnaha internetu abmiažoŭvajecca dostup da mnostva resursaŭ.
Poŭnaściu abo častkova niedastupnyja servisy, jakimi karystajucca miljony ludziej. Heta abmiažoŭvaje abo ŭskładniaje pracu biznesaŭ, u pieršuju čarhu technałahičnych […]
U bližejšy čas my zapuścim hałasavyja i videazvanki z end-to-end šyfravańniem. Heta značyć, što nichto, akramia vas i vašaha surazmoŭcy, nikoli nie zmoža atrymać źmieściva razmovy».
Raskamnahlad zabłakavaŭ Telegram 16 krasavika, a zatym zaniaŭsia błakavańniami Amazon, Google i inšych kampanij z vobłačnymi servisami, jakija mesendžar Paŭła Durava vykarystaŭ dla abychodu błakiroŭki.
Čytajcie taksama: Jak błakavańnie ŭ Rasii paŭpłyvaje na Telegram, jak jaho abyści i što buduć rabić rasijanie
