Va Ukrainie ŭ ramkach dekamunizacyi płanujecca pierajmienavać dźvie vobłaści. Pra heta ŭ intervju vydańniu «Obozrievatiel» raspavioŭ kiraŭnik Instytuta nacyjanalnaj pamiaci Uładzimir Viatrovič.
Pa słovach Viatroviča, dla hetaha Kijevu nieabchodna ŭnieści źmieny ŭ Kanstytucyju. «Nakolki nam viadoma, užo sabrana nieabchodnaja kolkaść deputackich podpisaŭ dla taho, kab zapuścić hety praces», — zaŭvažyŭ jon.
Kiraŭnik Instytuta nacyjanalnaj pamiaci dadaŭ, što taksama buduć pierajmienavanyja niekalki nasielenych punktaŭ. «Pierajmienavali kala tysiačy, zastałosia jašče 9 nasielenych punktaŭ, jakija my vyjavili. Heta vidavočnyja nazvy, jakija padlahajuć pierajmienavańniu. Akramia taho, na čarzie pierajmienavańnie dźviuch abłaściej», — rastłumačyŭ jon.
U krasaviku ŭ Viarchoŭnuju radu Ukrainy byŭ uniesieny zakonaprajekt ab pierajmienavańni Dnieprapiatroŭskaj vobłaści ŭ Siečasłaŭskuju.
Zhodna z Kanstytucyjaj Ukrainy, dla źmieny nazvy abłaściej treba, kab za hetaje rašeńnie prahałasavali jak minimum 300 parłamientaryjaŭ (z 450).