Śvietłavoje šou bieśpiłotnych latajučych aparataŭ nad staražytnaj haradskoj ścianoj u kitajskim horadzie Siań pravincyi Šeńsi ŭ minułuju niadzielu ŭstalavała novy suśvietny rekord pa kolkaści dronaŭ, jakija adnačasova znachodziacca ŭ pavietry, piša South China Morning Post.
Šou praciahvałasia 13 chvilin, u im adnačasova ŭziali ŭdzieł 1374 drony, pradastaŭlenyja kitajskim vytvorcam bieśpiłotnych latajučych aparataŭ Ehang Egret. Šou pabiła papiaredni rekord, ustalavany karparacyj Intel na adkryćci zimovych Alimpijskich hulniaŭ u Paŭdniovaj Karei, tady ŭ pavietra adnačasova padnialisia 1218 dronaŭ.
Padčas šou drony padnialisia z pavierchni vuzkaj haradskoj ściany, utvaryŭšy nad joj śvietłavuju zasłonu daŭžynioj 1200 mietraŭ i vyšynioj u 100 mietraŭ, paśla čaho drony mianiali svaju łakacyju i ŭtvarali roznyja fihury i nadpisy.
