Dziaržabvinavaŭca prosić sud dać 25-hadovamu Arciomu Masiejčuku 6 hadoŭ pazbaŭleńnia voli ŭ kałonii ŭzmocnienaha režymu. Abvinavačany i jaho advakaty nie pryznajuć vinu ŭ niezakonnaj pradprymalnickaj dziejnaści i machlarstvie. Takija zajavy prahučali ŭ čaćvier padčas sprečak u sudzie Leninskaha rajona Minska, piša tut.by.
Fota: brsm.by.
Pieršaja zhadka pra Arcioma Masiejčuka datavany jašče 2012 hodom. Jon byŭ abrany lidaram HA «BRSM» BNTU. Akramia taho, byŭ načalnikam Štaba pracoŭnych spraŭ, jaki kuryravaŭ moładzievyja budatrady. Uziaŭ udzieł u respublikanskim subotniku ŭ 2013 hodzie.
Vialikuju viadomaść uradženiec Pinska zdabyŭ ŭ 2015—2016 hadach, źjaŭlajučysia adnym z udzielnikaŭ (pa viersii siłavikoŭ — kiraŭnikom) biełaruskaj haliny kampanii Kairos Technologies, jakaja zajmałasia pryciahnieńniem hrašovych srodkaŭ nasielnictva.
Małady čałaviek pravodziŭ prezientacyi, sieminary i akcyi z pryjomami, dzie pierakonvaŭ u lehalnaści dziejnaści kampanii.
Na staronkach u sacsietkach pazicyjanavaŭ siabie paśpiachovym biznesmenam: na fota byli darahija hadzińniki i telefony, aŭtamabil «Mersiedes», vandroŭki i śvitanki z akna z vyhladam na Niamihu.
Takoje žyćcio skončyłasia vosieńniu 2016 hoda, kali jaho zatrymali siłaviki.
Pavodle śledstva, 25-hadovy mužčyna ad studzienia 2015 da vieraśnia 2016 hoda kiravaŭ biełaruskaj jačejkaj Kairos Technologies i pryciahvaŭ novych «układčykaŭ».
Ludzi zdavali častku žorstkaha dyska ŭ arendu i apłačvali ŭstupny ŭznos — ad 125 da 2777 dołaraŭ. Paśla ŭkładčyki atrymlivali štomiesiac dachod nibyta za zachoŭvańnie zašyfravanaj infarmacyi bujnych karparatyŭnych klijentaŭ. Pry hetym vypłaty ažyćciaŭlalisia za košt novych «inviestaraŭ» kampanii.
Apłačvanaja arenda častki žorstkaha dyska źjaŭlałasia asnovaj «lehiendy», zhodna ź jakoj dziejnaść kampanii ažyćciaŭlałasia vyklučna ŭ IT-śfiery. Pry hetym pa nadziejnaści, chutkaści dostupu i canie prapanavanaja pasłuha nie mahła kankuravać z anałahičnymi praduktami bujnych kampanij.
Halina struktury Arcioma Masiejčuka naličvała 108 ŭkładčykaŭ, sumarny prybytak skłaŭ zvyš 326 tysiač rubloŭ.
Na dumku prakurora, Masiajčuk «vydatna razumieŭ, što «Kajras» źjaŭlajecca finansavaj piramidaj, nie ažyćciaŭlaje tuju dziejnaść, jakaja zajaŭlena, i razam z tym pahadziŭsia być u kamandzie i ažyćciaŭlać dziejańni, skiravanyja na raźvićcio kampanii».
Fota sa staronki Mosiejčuka ŭ sacsietkach.
Advakaty ličać, što dastatkovych dokazaŭ vinavataści Arcioma Mosiejčuka niama.
Na dumku abarony, śledstva vyjšła za miežy svajoj kampietencyi. A mienavita dadziena acenka dziejnaści kampanii za miežami Biełarusi. Kairos Technologies zarehistravanaja ŭ Vialikabrytanii.
Fota sa staronki Mosiejčuka ŭ sacsietkach.
Na dumku abarony, Masiajčuk źjaŭlaŭsia tolki «adnym z 109 udzielnikaŭ» prajektu KairosPlanet ŭ Biełarusi.
Na dumku advakataŭ, ich klijent «aznajomiŭsia z rehistracyjaj kampanii, jaje dziejnaściu ŭ IT-śfiery, viedaŭ, što kampanija pracuje ŭ 67 krainach, udzielničaje ŭ dabračynnych prajektach i padtrymlivaje honačnyja kamandy, maje masu stanoŭčych vodhukaŭ». Atrymanaja infarmacyja nie dała Masiejčuku «padstavy sumniavacca ŭ zakonnaj dziejnaści kampanii», ličyć abarona.
Advakaty ličać, što abvinavačvańnie inkryminavała Masiejčuku atrymańnie hrašovych sum, da jakich jon nie maje dačynieńnia. Abarona śćviardžaje, što padčas papiaredniaha rasśledavańnia «na dapytvanych akazvaŭsia psichałahičny cisk, skažalisia ich pakazańni».
Heta paćvierdzili śviedki padčas sudovaha pasiedžańnia, jakija paviedamili pra cisk i pahrozy u ich adras. Supracoŭniki UDFR sprabavali schilić Masiejčuka «da samaahavoru, pahražajučy časam znachodžańnia ŭ SIZA da suda, paharšeńniem umoŭ u SIZA».
Arciom Masiajčuk ŭ 2016 hodzie pryciahnuŭ da ŭdziełu ŭ KairosPlanet svaju maci, jakaja dla hetych metaŭ ŭziała kredyt u banku. Heta, na dumku advakataŭ, źjaŭlajecca «dokazam najvyšejšaha pierakanańnia Masiejčuka ŭ lehalnaj dziejnaści kampanii i jaje prybytkovaści».
Fota sa staronki Masiejčuka ŭ sacsietkach.
Arciom Masiajčuk, jaki znachodzicca za kratami ŭžo 19 miesiacaŭ, padčas pasiadžeńnia nazvaŭ siabie «zvyčajnym karystalnikam prajekta kampanii «Kajras». U apošnim słovie jon zaklikaŭ sud abjektyŭna razabracca ŭ spravie. Jon nastojvaje na svajoj «poŭnaj i biezumoŭnaj nievinavataści».
Prysud pa hetaj spravie sud ahučyć 10 maja.
