Akvarydy, abo Majskija Akvarydy, zmohuć ubačyć biełarusy ŭ noč z 5 na 6 maja, paviedamiŭ karespandentu BiełTA astranom Viktar Małyščyc.
Maksimum aktyŭnaści zornaha daždžu čakajecca paśla paŭnočy. Mieteory buduć ruchacca ŭ napramku ad suzorja Vadaleja (łac. Aquarius), na praciahu hadziny možna budzie ŭbačyć kala 20 źničak. «Charakterna, što jany buduć jarkimi, žaŭtlavaha koleru i buduć ruchacca pa niebie vizualna ź nievialikaj chutkaściu», - raspavioŭ Viktar Małyščyc.
Astranom paraiŭ nazirać zorny doždž na adkrytaj prastory. «Z haradskoha bałkona mieteorny patok budzie praktyčna niemahčyma ŭbačyć - i ahlad nieba nievialiki, i haradskoje padśviatleńnie pieraškadžaje. Treba jechać za horad, pa mahčymaści lehčy na ziamlu, i tady pry jasnym nadvorji mieteory patrapiać u pole zroku», - dadaŭ jon. Pramaci mieteornaha patoku Majskija Akvarydy źjaŭlajecca kamieta Haleja. Astranamičnaja źjava budzie praciahvacca pa 28 maja.
