Dniom 7 maja žycharka vioski Jatra Navahrudskaha rajona źviarnułasia ŭ milicyju: jaje dvuchhadovaja dačka vyjšła z doma pahulacca z sabakam i prapała. Samastojna mama znajści jaje nie zmahła.
Na miesca vyjechała śledča-apieratyŭnaja hrupa. U chodzie praviadzieńnia pošukavych mierapryjemstvaŭ cieła dziaŭčynki znajšli za paŭkiłamietra ad doma ŭ niehłybokaj rečcy Jatranka, jakaja maje mocnuju płyń.
Bačnych cialesnych paškodžańniaŭ na ciele dziciaci nie vyjaŭlena. Zhodna z papiarednim zaklučeńniem śpiecyjalistaŭ upraŭleńnia Dziaržaŭnaha kamiteta sudovych ekśpiertyz pa Hrodzienskaj vobłaści pryčynaj jaje śmierci źjaŭlajecca utapleńnie.
Siamja ŭ cełym charaktaryzujecca stanoŭča. Maci ŭ momant vychadu dziaŭčynki na vulicu była zaniataja pa haspadarcy, adnačasna hladzieła jašče adno dzicia, jakoje naradzilisia mienš za miesiac tamu.