U bližejšy čas u Dziarždumu Rasii buduć uniesieny prapanovy ab pavyšeńni piensijnaha ŭzrostu. Pra heta zajaviŭ v.a. premjer-ministra Rasii Dźmitryj Miadźviedzieŭ.
«Nam treba prymać rašeńnie z nahody piensijnaha ŭzrostu», — zajaviŭ Miadźviedzieŭ, adkazvajučy na pytańnie deputata ab losie hetaj inicyjatyvy. Jon nahadaŭ, što raniejšyja ramki vychadu na piensiju prymalisia «pa sutnaści ŭ 1930-ja hady», kali siaredniaja praciahłaść žyćcia «była ŭ rajonie 40 hadoŭ». Z tych časoŭ źmianilisia ŭmovy, mahčymaści i žadańnie ludziej pracavać, pieryjad aktyŭnaha žyćcia, pieraličyŭ premjer Rasii.
«Urad svaje prapanovy padrychtuje u samaj karotkaj pierśpiektyvie i ŭniasie ŭ Dziaržaŭnuju dumu. Ja spadziajusia, my z vami zmožam ich razhledzieć», — skazaŭ na zakančeńnie Miadźviedzieŭ.
Ciapier u Rasii piensijny ŭzrost składaje 60 hadoŭ dla mužčyn i 55 hadoŭ dla žančyn.
