Siońnia ranicaj na terytoryi AZS «Biełarusnafta» ŭ Minsku zdaryŭsia pažar. Zahareŭsia aŭtamabil Audi, jaki stajaŭ u čarzie na zapraŭku. Adrazu ž tušyć mašynu kinulisia supracoŭniki stancyi. Vykarystoŭvali čatyry vialikija vohnietušycieli, jakija vykarystoŭvajucca na AZS, i mašynu patušyli.
Heta zdaryłasia prykładna ŭ 10:32. Na terytoryju aŭtazapravačnaj stancyi (praśpiekt Niezaležnaści, 156), u rajonie pierasiačeńnia praśpiekta i MKAD, zajechaŭ aŭtamabil Audi. Kiroŭca źbiraŭsia zapravicca, spyniŭsia śledam za adnym aŭto, čakaŭ svajoj čarhi. Raptam, mašyna zaharełasia.
Pavodle papiaredniaj infarmacyi, pažar uźnik z-za niaspraŭnaści paliŭnaj sistemy aŭto. Da tušeńnia adrazu ž prystupili supracoŭniki stancyi. Mienš čym za 4 chviliny ŭzharańnie ŭdałosia likvidavać.
Ludzi ŭ vyniku zdareńnia nie paciarpieli, majomaść AZS taksama zastałasia cełaj. Na miesca byli vyklikany supracoŭniki MNS, ale pažar byŭ likvidavany da ich prybyćcia.
