Zatrymany były namieśnik kiraŭnika stalicy, a ciapier načalnik hałoŭnaha ŭpraŭleńnia spažyvieckaha rynku Minharvykankama Andrej Damaracki. Pra heta Tut.by paviedamili try nie źviazanyja pamiž saboj krynicy.
«Zatrymali ŭčora. Byccam by Śledčy kamitet. Kažuć, pieravyšeńnie [słužbovych paŭnamoctvaŭ]», — raspavioŭ adzin z surazmoŭcaŭ. Hetuju ž infarmacyju pacvierdzili jašče dźvie krynicy.
Mabilny Damarackaha niedastupny. Apošni vizit u vajbier byŭ u aŭtorak.
U hałoŭnym upraŭleńni spažyvieckaha rynku skazali, što siońnia Damarackaha nie było na pracy. Pa jakoj pryčynie — nieviadoma.
U Śledčym kamitecie ad kamientaroŭ admovilisia.
Andrej Damaracki da vieraśnia 2017 zajmaŭ pasadu namieśnika staršyni Minharvykankama — kuryravaŭ handal. Čynoŭnik zapomniŭsia na hetaj pasadzie ŭ tym liku prahresiŭnymi rašeńniami: nadavaŭ uvahu raźvićciu biełaruskaj kuchni, krytykavaŭ zališni kantrol za hramadskim charčavańniem.
Ale ŭ suviazi z aptymizacyjaj dziaržaparata jaho pasadu skaracili, i Damaracki staŭ načalnikam hałoŭnaha ŭpraŭleńnia spažyvieckaha rynku Minharvykankama.
Papiaredniaha načalnika hałoŭnaha ŭpraŭleńnia spažyvieckaha rynku Minharvykankama Siarhieja Barysieviča ŭ krasaviku 2017 hoda zatrymaŭ KDB pa padazreńni ŭ karupcyi. Suda nad im jašče nie było.
