Słužba biaśpieki Ukrainy (SBU) 9 maja vydvaryła z krainy dźviuch žurnalistak — «Pieršaha kanała» Valancinu Sałaŭjovu i telekanała «Rasija» Volhu Jurjevu. Pra heta havorycca ŭ paviedamleńni na sajcie SBU.
Supracoŭniki śpiecsłužby vyśvietlili, što karespandentki adpravilisia ŭ Kijeŭ «dla padrychtoŭki tendencyjnych siužetaŭ» ab śviatkavańni Dnia pieramohi ŭ Druhoj suśvietnaj vajnie.
«Pavodle zadumy rasijskich prapahandystak, adźniatyja videamateryjały płanavałasia vykarystać dla dyskredytacyi Ukrainy pierad suśvietnaj supolnaściu i raspaŭsiudžvańniu dezinfarmacyi siarod nasielnictva», — skazali ŭ SBU. Sałaŭjovu vysłali ŭ Rasiju, a Jurjevu - u Kazachstan, im taksama zabaranili ŭjezd u krainu terminam na try hady.
0
0
0
0
0
0