Były vykanaŭčy dyrektar Biełarusbanka Anatol Bahavik, prysudžany vosieńniu da 8 hadoŭ kałonii, vyjšaŭ na volu. Pra heta TUT.BY paviedamiła niekalki nie źviazanych pamiž saboj krynic.
«Bačyli Bahavika. U dobrym nastroi. Kažuć, niedzie tydzień jak vyjšaŭ», — raspaviadaje adzin z surazmoŭcaŭ TUT.BY.
Infarmacyju pra toje, što były top-mieniedžar Biełarusbanka sapraŭdy na voli, paćvierdziŭ jašče adzin z surazmoŭcaŭ partała. Ale jakaja pryčyna?
Viadoma, što abskardžańnie vyniesienaha prysudu nie dało surjoznych vynikaŭ, a skarha ŭ paradku nahladu, chutčej za ŭsio, nie padavałasia.
Tamu asnoŭnym varyjantam vychadu Bahavika na svabodu bačycca pamiłavańnie prezidentam.
Anatol Bahavik znachodziŭsia pad vartaj z 4 žniŭnia 2016 hoda.
Jak vynikała z abvinavačańnia, Bahavik, źjaŭlajučysia kiraŭnikom raźlikovaha centra bankaŭskich płastykavych kart i staršynioj konkursnaj kamisii pa zakupcy tavaraŭ, rabot, pasłuh Biełarusbanka, pryniaŭ ad tahačasnaha hiendyrektara Bankaŭskaha pracesinhavaha centra Hienadzia Zubarava hrašovyja srodki na 94 tysiač dalaraŭ šlacham paetapnaha pieraličeńnia. Pry hetym jon abiacaŭ Zubaravu sadziejničańnie ŭ pieramozie Bankaŭskaha pracesinhavaha centra ŭ konkursie na zakupku bankamataŭ dla patreb Biełarusbanka.
13 kastryčnika 2017 hoda Bahavik byŭ asudžany na 8 hadoŭ pazbaŭleńnia voli i štrafu 500 bazavych vieličyniaŭ.
