Kala hrodzienskich zamkaŭ 1 červienia aficyjna adkryli pomnik Davydu Haradzienskamu. Skulpturu adkryvali pradstaŭleńniem z rekanstruktarami na jakim prysutničali pradstaŭniki haradskich uładaŭ, ministr kultury Juryj Bondar, turysty i haradžanie.
Aŭtaram pomnika hrodzienskamu staraście źjaŭlajecca skulptar Siarhiej Ahanaŭ. Na stvareńnie pomnika ŭ majstra syšło 3,5 miesiaca štodzionnaj pracy. Haradskija ŭłady płanavali, što Davyda ŭstalujuć la zamkaŭ da Dnia horada ŭ vieraśni 2017 hoda, ale na toj momant praca jašče nie była hatovaja.
Vyšynia skulptupy razam z pastamientam składaje — 3,75 mietra, a vaha — kala 16 ton. Hrošy na pomnik vyłučyŭ miecenat Anatol Karabač — zasnavalnik minskaj firmy «Chors-Motars», uradženiec Krasnasielskaha, što pad Vaŭkavyskam. Taksama pomnik stvaraŭsia pry padtrymcy Hrodzienskaj pravasłaŭnaj jeparchii.
