Praviadzieńnie mitynhu-rekvijema ŭ dzień 30-hodździa z dnia vychadu artykuła Zianona Paźniaka i Jaŭhiena Šmyhalova «Kurapaty. Daroha śmierci» było zapłanavana daŭno. A ŭ apošnija dni ŭźnik dadatkovy matyŭ: na krai Kurapackaha lesu vyrašyli adkryć restaran. Toj samy «Bulbaš-choł», jaki 4 hady tamu ŭ vyniku pratestaŭ udałosia zakansiervavać. Hetym razam ułaśniki vybrali ŭžo niejtralnuju nazvu «Pajedziem-pajamo», ale svaju piciejnuju ŭstanovu majuć namier adkryć. Abaroncy Kurapat zaklikali hramadskaść supraćstajać hetaj idei. Jany źbirajucca na mitynhu 3 červienia paraicca nakont taktyki dziejańniaŭ.
Mitynh dazvoleny ŭładami, jon raspačniecca a 13-j hadzinie.
