Andrej Skabiełka pryznačany hałoŭnym trenieram zbornaj Kazachstana pa chakiei, za niekalki hadzin pierad hetym jaho pryznačyli taksama hałoŭnym trenieram astaninskaha «Barysa», paviedamlaje sport.kz
«Samo saboj, zbornaj Kazachstana treba budzie viarnucca ŭ elitu, raz my budziem pravodzić u siabie doma čempijanat śvietu ŭ našym dyvizijonie. Tamu zadača ŭ Skabiełki, viadoma, vyjhrać hety turnir», - skazaŭ kiraŭnik FCHK Askar Mamin, adkazvajučy na pytańnie ab zadačach Skabiełki na pasadzie hałoŭnaha treniera kamandy.
Nahadajem, što zbornaja Biełarusi ŭ mai pakinuła elitny dyvizijon i ciapier budzie zmahacca z kamandami Kazachstana, Słavienii, Vienhryi, Litvy i Paŭdniovaj Karei, kab viarnucca ŭ elitu. Što praŭda, pucioŭku atrymajuć dźvie zbornyja. Turnir projdzie ŭ kancy krasavika — pačatku maja nastupnaha hoda ŭ Astanie.
Andrej Skabiełka pravioŭ za nacyjanalnuju zbornuju 133 matčy, pačynajučy z 1994 hoda, pahulaŭ na Alimpijadach u 1998 i 2002 hh., u tym liku viartaŭ zbornuju ŭ elitu ŭ 2002 i 2004 hh. Apošnim miescam jaho pracy byŭ omski «Avanhard»
