Razam z Bukmiekierskaj kantoraj Marafon my praciahvajem sačyć za čempijanatam Biełarusi!
Viadoma, uvaha bolšaści futbolnych zaŭziataraŭ u hetyja dni pryciahnutaja da Rasii, dzie adbyvajecca čempijanat śvietu. Ale i ŭ nas budzie šmat čaho cikavaha ŭ hetyja vychadnyja. Pierachodzim da ahladu hulniaŭ.
«Tarpieda» — «Słuck»
- 16.06 / 17:45. Stadyjon «Minsk»
- Kaeficyjenty: «Tarpieda» (pieramoha) — 4.45, ničyja — 2.82, «Słuck» (pieramoha) — 2.06
U minskaj «Tarpiedy» spravy ŭ čempijanacie dreń. Kamanda ad druhoha tura nie moža atrymać pieramohi. Zdarajucca bolš-mienš udałyja adrezki, ale dla viktoryj hetaha nie chapaje. Na hetym tydni «Tarpieda» adkryła dźvie vakansii z zarobkam u $1,5 tysiačy. Heta značyć, što čakajecca lehijanierskaje papaŭnieńnie. Razam z tym, «Tarpieda» praciahvaje zamacoŭvać rename samaha biełaruskamoŭnaha kłuba. Na hety raz «aŭtazavodcy» vykanali chit Lavon Volskaha «Sto hadoŭ samoty».
«Słuck» viartajecca da svajoj zvykłaj pa pačatku siezonu hulni. U minułym tury jany źniasłavili «Dniapro» ź likam 5:0. Pajezdka ŭ zbornuju dobra adbiłasia na Jaŭhienie Šykaŭku, jaki zabiŭ hoł dy addaŭ pas. Šykaŭka praciahvaje adzinaasobna lidziravać u śpisie bambardziraŭ čempijanatu.
Prahnoz «NN»: «Słuck» pieramoža.
«Haradzieja» — «Minsk»
- 16.06 / 19:45. Stadyjon «Haradzieja»
- Kaeficyjenty: «Haradzieja» (pieramoha) — 2.37, ničyja — 2.82, «Minsk» (pieramoha) — 3.46
Zdavałasia, što paśla pieramohi nad BATE spravy ŭ «Haradziei» pojduć uharu. Ale tut zdaryŭsia absalutna pravalny vyjezd u hości da «Smalavičaŭ». Siarhiej Jaromka paśla hulni skazaŭ, što daŭno nie bačyŭ svaju kamandu takoj biazvolnaj. Moža, pry rodnych zaŭziatarach, pry pachu słavutaha haradziejskaha šašłyka spravy pojduć krychu lepiej?
«Minsk» natchniaje, ale tolki zusim maleńkimi adrezkami. Dva tury zapar kamanda atrymlivała absalutna niepatrebnyja parazy ad ziemlakoŭ z «Dynama» i «Isłačy». Da hoła ŭ minułaj hulni pryviała škalarskaja pamyłka abaroncy. Maładym «haradžanam» jašče katastrafična nie staje dośviedu.
Prahnoz «NN»: «Haradzieja» nie sastupić.
«Šachcior» — «Pramień»
- 17.06 / 16:45. Stadyjon «Budaŭnik»
- Kaeficyjenty: «Šachcior» (pieramoha) — 1.26, ničyja — 5.25, «Pramień» (pieramoha) — 12.50
Fota z vk.com.
18-hadovy biełarus z kamierunskimi karaniami Maks Ebonh prynios pieramohu «Šachcioru» ŭ papiarednim matčy z «Tarpieda-BiełAZ». «Šachcior» užo zabyŭsia, kali apošni raz sychodziŭ z pola biez vyjhryšu. Jašče zusim kryšačku — i kamanda raźmiesicca na zvykłym dla siabie druhim ci trecim miescy.
Nastaŭnik «Pramienia» Bijončyk narakaŭ na toje, što vialikaja kolkaść futbalistaŭ jaho kamandy była vymušanaja hulać praź dzień paśla matča moładzievaj zbornaj. «Pramieniu» zusim krychu nie chapiła, kab adabrać punkty ŭ «Niomana», chacia hoł u Džyhiery atrymaŭsia vielmi kłasnym.
Prahnoz «NN»: Pieramoha «Šachciora» z roźnicaj bolšaj, čym u adzin hoł.
«Tarpieda-BiełAZ» — «Dniapro»
- 17.06 / 18:45. Stadyjon «Tarpieda»
- Kaeficyjenty: «Tarpieda-BiełAZ» (pieramoha) — 1.60, ničyja — 3.65, «Dniapro» (pieramoha) — 6.05
Usio bolš i bolš stanovicca zrazumiełym, što žodzinskaja kamanda da baraćby za miedali sioleta jaŭna nie hatovaja. «Tarpieda» sastupaje ŭ hulniach z pramymi kankurentami za vysokija miescy. Heta padšturchoŭvaje da dumki, što ŭ kamandy nie ŭsio ŭ paradku ź psichałohijaj.
U «Dniapra» spravy iduć jašče horaj. Jašče kryšačku — i kamanda apuścicca da hrupy vyletu. Takuju bujnuju parazu ŭ Słucku ŭvohule ciažka niejak rastłumačyć. Nastaŭnik «Dniapra» Viačasłaŭ Laŭčuk uvohule padavaŭ zajavu ab adstaŭcy, ale kiraŭnictva jaje pakul nie pryniało.
Prahnoz «NN»: «Tarpieda-BiełAZ» pieramoža.
Kali sočycie za čempijanatam śvietu pa futbole, raim vam zrabić staŭku ŭ Bukmiekierskaj kantory Marafon!
«Nioman» — BATE
- 17.06 / 20:45. CSK «Nioman»
- Kaeficyjenty: «Nioman» (pieramoha) — 7.90, ničyja — 3.75, BATE (pieramoha) — 1.49
U «Niomana» ŭsio ŭ paradku. Kamanda pavinna być zadavolenaja pačatkam siezonu. Kali atrymajecca doma adabrać punkty ŭ BATE, to budzie jašče lepš. Praŭda, u hulniach ź minskim «Dynama» i «Šachcioram» hrodziency za ački nie začapilisia. Tendencyja?
Novy nastaŭnik BATE Alaksiej Baha pravioŭ vielmi jarkuju hulniu z «Homielem». Ale supiernik byŭ značna słabiejšym za «Nioman». Źviarnuła ŭvahu, što ŭ zajaŭku ŭvohule nie trapiŭ Alaksandr Hleb, zatoje Baha viarnuŭ u abojmu finskaha napadnika Tuominiena.
Prahnoz «NN»: totał mieniej za 2,5.
«Dynama» (Minsk) — «Viciebsk»
- 18.06 / 17:00. Stadyjon «Traktar»
- Kaeficyjenty: «Dynama-Minsk» (pieramoha) — 2.00, ničyja — 3.26, «Viciebsk» (pieramoha) — 3.88
Centralnaja hulnia tura stavicca a piataj hadzinie viečara ŭ budni dzień. Dla kaho heta robicca? U «Dynama» byŭ vielmi ciažki vyjezd u Brest. Ciapier nie mienš ciažkoje vyprabavańnie ŭ vyhladzie «Viciebska». Dakładniej, vyprabavańnie čakajecca z abodvuch bakoŭ. Chto zdaść hety ekzamien?
Što tyčycca «Viciebska», to kamanda vydała najlepšy start za apošnija 23 hady. Na vastryni ataki ŭ «Viciebska» vyłučajecca Kirył Viarhiejčyk, jaki zabiŭ užo piać hałoŭ. Kali «Viciebsk» pieramoža, to ŭzdymiecca až na druhoje miesca. Jość dziela čaho staracca.
Prahnoz «NN»: «Dynama» nie sastupić.
«Homiel» — «Smalavičy»
- 18.06 / 18:45. Stadyjon «Centralny»
- Kaeficyjenty: «Homiel» (pieramoha) — 2.06, ničyja — 2.82, «Smalavičy» (pieramoha) — 4.45
«Homiel» trapiŭ pad barysaŭski katok u minułym tury. Abjektyŭna kažučy, spravicca z takim supiernikam było ciažka. I patrabavać ad «zialona-biełych» pieramohi ŭ toj hulni było b nierazumna. Zatoje ad hulni sa «Smalavičami» ad «Homiela» buduć čakać tolki pieramohi.
«Smalavičy» ŭ dobrym nastroi paśla pieramohi nad «Haradziejaj». Udałosia pakazać prystojnuju hulniu. Ciapier «Smalavičy» krychu addalilisia ad zony vyletu.
Prahnoz «NN»: «Homiel» pieramoža.
«Isłač» — «Dynama» (Brest)
- 18.06 / 20:45. Stadyjon «Minsk»
- Kaeficyjenty: «Isłač» (pieramoha) — 5.90, ničyja — 3.20, «Dynama-Brest» (pieramoha) — 1.72
«Isłač» atrymała minimalnuju pieramohu nad «Minskam» u minułym tury. Zdajecca, «Isłač» — adna ź niamnohich kamand, jakuju možna nazvać mocnym sieradniakom. Kryvi «vaŭki» papjuć jašče mnohim.
Što tyčycca «Dynama», to ich praklaćcie liku 1:1 doŭžycca ŭžo čatyry hulni zapar. Staršynia praŭleńnia kłuba Dyjeha Maradona pravodzić čas u kampanii šejchaŭ na čempijanacie śvietu. Tym časam bieraściejcy padpisali kolišniaha paŭabaroncu BATE Siarhieja Kryŭca.
Prahnoz «NN»: ničyja.
Nie maje značeńnia, jak vy budziecie hladzieć futboł: pierad ekranam televizara, smartfona, ci na trybunach, staŭka ŭ Bukmiekierskaj kantory Marafon zrobić prahlad futboła jašče cikaviejšym!
