U aŭtorak, 26 červienia, palicyja vyzvaliła budynak Univiersiteta Paryž VIII u Sen-Deni ŭ pryharadzie Paryža ad nielehalnych mihrantaŭ i aktyvistaŭ, jakija «akupavali» budynak sa studzienia 2018 hoda, paviedamlaje AFP.
Pavodle danych vydańnia, palicyja ŭžyła ślezaciečny haz, kab prakraścisia ŭnutr. Im pieraškadžała hrupa z 70 studentaŭ i aktyvistaŭ, jakija viedali pra apieracyju. Jany načavali va ŭniviersitecie i stvaryli «čałaviečy» łancuh, kab strymać palicyju.
Z 30 studzienia 2018 hoda kryło kampusa zaniali mihranty z Zachodniaj Afryki, Sudana i Erytrei. Uviesnu da ich dałučylisia dziasiatki studentaŭ, jakija pratestavali suprać płana ŭrada pa ŭzmacnieńni žorstkaści patrabavańniaŭ da sistemy adboru ŭ dziaržaŭnyja univiersitety i inšych reformaŭ.