Pra heta Poł Rad, jaki vykanaŭ hałoŭnyja roli ŭ filmach «Čałaviek-muraš», «Pieršy mściŭca», zajaviŭ u adnym ź intervju.
Ja viedaju pra vaša biełaruskaje ci polskaje pachodžańnie. Možacie skazać što-niebudź pa-biełarusku ci pa-polsku? — zapytaŭ žurnalist.
Sapraŭdnaje proźvišča majho baćki — Rudnicki, — adkazaŭ Poł Rad. — Niadaŭna ja źniaŭsia ŭ telešou, pryśviečanym pošukaŭ svaich karanioŭ, i tam daviedaŭsia, što baćki majho baćki rodam ź vioski Chołmieč u Homielskaj vobłaści Biełarusi, a majho pradzieda pryzvali na słužbu ŭ rasijskuju armiju 1 listapada 1895 hoda. Ale heta ŭsio, što ja viedaju. Chaciełasia b bolšaha, asabliva ŭ takija momanty, jak ciapier.
Nieŭzabavie na ekrany pavinna vyjści druhaja častka pryhodaŭ Skota Łenha: «Čałaviek-muraš i Asa».
Poł Rad naradziŭsia ŭ Pasejku (Ńju-Džersi) u 1969 hodzie. U hetym horadzie z kanca XIX st. žyła vialikaja biełaruskaja dyjaspara, niekalki dziasiatkaŭ siemjaŭ emihravali siudy paśla Druhoj suśvietnaj, a ŭ 1950-ja tut navat dziejničaŭ biełaruski pravasłaŭny prychod, niekalki biełaruskich arhanizacyj.
