Karystalniki pa ŭsim śviecie stali vyjaŭlać na svaich kamputarach škodnuju prahramu All-Radio 4.27 Portable, jakuju niemahčyma vydalić. Upieršyniu pasty pra virus źjavilisia na forumie Malwarebytes, paviedamlaje partał Bleepingcomputer.
Pad prycełam virusa apynulisia kamputary z apieracyjnaj sistemaj Windows. Karystalniki staranna sprabavali pazbavicca ad jaho, ale im nie ŭdałosia znajści miechanizmaŭ jaho vydaleńnia.
Aficyjna prahrama rasijskaj vytvorčaści All-Radio 4.27 Portable - biaspłatny ŭniviersalny płejer, jaki dazvalaje słuchać muzyku i hladzieć telepieradačy. Nieviadomym chakieram udałosia jaje padrabić i vydać zaražanaje PZ za aryhinał.
Ekśpierty z BleepingComputer adznačyli, što bolšaść juzieraŭ paviedamili ab źjaŭleńni prahramy paśla zahruzki niekatorych aktyvataraŭ praduktaŭ Microsoft. Jany vyśvietlili, što pad vyhladam «klučoŭ» achviary atrymlivali rekłamny pakiet aimp, jaki staŭ pryčynaj zaražeńnia. Siarod mahčymych infiekcyj mohuć być majniery, spamiery, roznyja trajany, a taksama rutkity, jakija chavajuć zaražeńnie.
Miarkujučy pa charaktary prahramnaha zabieśpiačeńnia, chakiery, jakija stvaryli hety virus, źbirajucca pabudavać svoj biznes na dadzienaj schiemie zaražeńnia. Ekśpierty pieraścierahli ad vykarystańnia prahram-aktyvataraŭ, pakolki jany mohuć być infikavanyja złamyśnikami.
