Brytanka Lindsi Derdł pamierła ŭ kancy maja hetaha hoda ad raku. Praź miesiac jaje ŭdaviec atrymaŭ ad servisu elektronnych płaciažoŭ PayPal list, jaki paviedamlaje, što svajoj śmierciu niabožčyca-žonka parušyła ŭmovy damovy z kampanijaj.
Paŭtara hady nazad u Lindsi znajšli rak hrudziej, jaki chutka raspaŭsiudziŭsia ŭ lohkija i mozh. Jana pamierła 31 maja, pakinuŭšy pazyku ŭ 3200 funtaŭ PayPal Credit — padraździaleńniu PayPal, jakoje vydaje spažyvieckija kredyty i kredytnyja karty.
U siaredzinie červienia ŭdaviec adpraviŭ u kampaniju kopii paśviedčańnia ab śmierci, zaviaščańnia i inšych nieabchodnych dakumientaŭ. Praź niekalki tydniaŭ na jaho chatni adras pryjšoŭ list z zahałoŭkam «Važna. Pračytajcie ŭvažliva», adrasavany pamierłaj žoncy.
U liście ŭkazvałasia dakładnaja suma pazyki i havaryłasia: «Vy parušajecie punkt 15.4(s) vašaha pahadnieńnia z PayPal Credit, pakolki my atrymali paviedamleńnie ab tym, što vy miortvyja… heta parušeńnie nie padlahaje vypraŭleńniu».
PayPal pryznaŭ, što list byŭ «biestaktoŭnym», chutka paprasiŭ prabačeńnia pierad Chaŭardam Derdłam, śpisaŭ pazyku jaho pamierłaj žonki i pačaŭ unutranaje rasśledavańnie zdareńnia.
