U Vietkaŭskim rajonie 46-hadovy žychar Homiela patanuŭ, ratujučy syna, paviedamiŭ karespandentu BiełTA viadučy śpiecyjalist Homielskaj abłasnoj arhanizacyi ASVOD Siarhiej Kaściučenka.
Trahiedyja adbyłasia 29 lipienia prykładna apoŭdni na race Sož pablizu vioski Chalč. Niekalki siemjaŭ adpačyvali na bierazie. U niejki momant 9-hadovy chłopčyk, jaki chadziŭ pa mieli, stupiŭ u hłybokaje miesca i pačaŭ tanuć. Na dapamohu jamu kinuŭsia baćka. Mužčyna zmoh vyšturchnuć dzicia, adnak sam patanuŭ.
U hety dzień trahiedyja na vadzie adbyłasia i ŭ abłasnym centry. Papiarednie vyśvietlena, što 58-hadovy mužčyna łaviŭ rybu ranicaj na vadajomie pa praśpiekcie Kasmanaŭtaŭ i ŭ niejki momant vyrašyŭ vykupacca. Trochi prapłyŭšy, jon pajšoŭ pad vadu. Jamu sprabavaŭ dapamahčy minak, adnak biezvynikova. Ratavalniki, jakija prybyli da miesca zdareńnia, padniali rybaka z vady, adnak reanimavać jaho nie ŭdałosia.
Taksama dniom raniej niaščasny vypadak na vadzie, u vyniku jakoha zahinuŭ 37-hadovy mužčyna, adbyŭsia va ŭročyščy Šubina Vietkaŭskaha rajona. Usiaho ŭ Homielskaj vobłaści z pačatku hoda patanuli 29 čałaviek.
