Andrej Bursin, kiraŭnik słužby pažaratušeńnia 1-ha atrada FPS pa Kiemieraŭskaj vobłaści, byŭ źmieščany ŭ SIZA miesiac tamu pa spravie ab uzharańni ŭ Kiemieraŭskaj HC «Zimovaja višnia».
«U Bursina adbyŭsia niervovy zryŭ, jon sprabavaŭ zabić siabie i byŭ špitalizavany», - raspavioŭ surazmoŭca TASS. Infarmacyju paćvierdziła «Kommiersantu» žonka Bursina. «U aŭtorak jamu pavinny byli rabić psichijatryčnuju ekśpiertyzu, potym mnie paviedamili, što jaho dastavili ŭ špital na lačeńnie. Jak mnie patłumačyli, u jaho byli pierabintavanyja abiedźvie ruki. Jon zrabiŭ u SIZA sprobu suicydu», - zajaviła jana.
Bursina vykazała zdahadku, što pryčynaj taho, što zdaryłasia mahli stać cisk z boku śledčych i zabarona na sustrečy z rodnymi.
Bursin byŭ načalnikam pažarnaha atrada, jaki prybyŭ na miesca ŭzharańnia ŭ kiemieraŭskim handlovym centry «Zimovaja višnia». Jaho vinavaciać u tym, što jon nie zmoh arhanizavać evakuacyju, z-za čaho ŭ HC zahinuli ludzi. Abarona Bursina kaža, što da momantu prybyćcia pažarnych uvieś budynak byŭ achopleny dymam i ahniom, z-za čaho ŭnutry było amal niemahčyma aryjentavacca.
Pažar u handlovym centry adbyŭsia 25 sakavika 2018. U vyniku trahiedyi zahinuli 64 čałavieki, siarod jakich 41 dzicia.
