U Balivii vykrali histaryčny prezidencki miedal i stužku - prosta z aŭtamabila, pryparkavanaha ŭ rajonie čyrvonych lichtaroŭ horada El-Alta, piša bbc.com.
Aficer balivijski armii, jaki vioz kaštoŭnaści ŭ aeraport, zajaviŭ, što pakinuŭ ich u zaplečniku ŭ aŭto. Paźniej zaplečnik - biez upryhožvańniaŭ - znajšli ŭ miascovaj carkvie.
Załaty miedal, upryhožany smarahdami, datujecca 1825 hodam - hodam abviaščeńnia niezaležnaści krainy. Jana naležała balivijskamu nacyjanalnamu hieroju i pieršamu prezidentu krainy Simonu Balivaru.
Dziejny prezident Eva Marales mieŭsia nadzieć miedal sa stužkaj na štohadovaje śviata ŭzbrojenych siłaŭ krainy. Aficer, z čyjho aŭto vykrali kaštoŭnaści, pavinien byŭ pieravieźci ich u horad Kačabamba i pieradać prezidentu. Adnak nie paśpieŭ na svoj rejs u aeraporcie El-Alta.
Čakajučy nastupnaha rejsu, jon pryparkavaŭ aŭto ŭ rajonie čyrvonych lichtaroŭ, pakinuŭšy ŭ mašynie zaplečnik z kaštoŭnaściami. Viarnuŭšysia da aŭto, zaplečnika aficer nie znajšoŭ.
Hora-aficera aryštavali.
Zvyčajna miedal zachoŭvajuć u siejfie ŭ nacyjanalnym banku Balivii. Ich dastajuć adtul tolki dla ŭračystych cyrymonij.
