Alaksandr Łukašenka paprakaje Rasiju ŭ niadobrasumlennaj kankurencyi i nievykanańni abaviazacielstvaŭ u ramkach Jeŭrazijskaha ekanamičnaha sajuza. Pra heta jon zajaviŭ siońnia, padčas naviedvańnia AAT «Homsielmaš», pieradaje BiełTA.
«Ja chaču zachavać «Homsielmaš». U nas ciapier ciažki pieryjad — rasijanie pavodziać siabie pa-varvarsku ŭ adnosinach da nas, publična pra heta kažu. Jany ad nas patrabujuć čahości, jak byccam my vasały ŭ ich, a ŭ ramkach JEAES, kudy jany nas zaprasili, jany vykonvać svaich zabaviazańniaŭ nie žadajuć. Voś jany i stvarajuć niekankurentnuju situacyju», — zajaviŭ biełaruski lidar.
Alaksandr Łukašenka adznačyŭ, što ŭ Rasii paprakajuć amierykancaŭ i Zachad u stvareńni «niekankurentnaj pieravahi». «A sami jany dla nas takija ž niekankurentnyja stvarajuć umovy. Heta tema našaj jašče razmovy z prezidentam Rasii. Ale my pavinny pracavać u tych umovach, u jakich siońnia isnujem», — skazaŭ Łukašenka.
