Alaksandr Łukašenka na palach AAT «Aleksandryjskaje» vyprabavaŭ zbožžaŭboračny kambajn «Paleśsie GS2124», pieradaje BiełTA.
Pra namier panazirać za pracaj hetaj techniki ŭ palavych umovach kiraŭnik dziaržavy zajaviŭ napiaredadni, naviedvajučy «Homsielmaš», dzie jamu i byŭ prademanstravany kambajn.
Zbožžaŭboračny kambajn GS2124 stvorany na bazie madeli KZS-1624 i atrymaŭ šerah vysokatechnałahičnych navacyj, naprykład, mahčymaść kiravańnia pa spadarožniku abo pa sihnale ad stancyi naviadzieńnia na Ziamli. Kambajn abstalavany sistemaj dakładnaha ziemlarobstva, jakaja vyznačaje kolkaść uradžaju, sabranaha z peŭnaha siehmienta, a zatym farmuje kartu ŭradžajnaści pola. Sistema sałomasieparatara dazvalaje pracavać na padvyšanych chutkaściach - da 6-8 km/h (pry standartnych 3-3,5 km/h).
Biełaruski kambajn nie sastupaje zamiežnamu anałahu ŭ samaj darahoj kamplektacyi Lexion 770. Zaraz try vopytnyja ŭzory GS2124 prachodziać vyprabavańnie na palach Biełarusi, u tym liku ŭ AAT «Aleksandryjskaje».
