Prezident Turcyi Redžep Taip Erdahan vystupiŭ u Ankary z zajavaj na fonie padzieńnia kursu nacyjanalnaj valuty. Adkazać ZŠA na viadzieńnie «ekanamičnaj vajny» jon prapanavaŭ zabaronaj impartu amierykanskich hadžetaŭ, pieradaje Bloomberg.
Jak zajaviŭ Erdahan, «tyja, chto raźviazali ekanamičnuju vajnu suprać Turcyi, pavinny zapłacić za heta». Pry hetym jon padkreśliŭ, što ahresiŭnyja dziejańni ZŠA ŭ ekanamičnaj śfiery zakranajuć nie tolki Turcyju, ale i šerah inšych krain. U liku dziaržaŭ, jakija paciarpieli ad dziejańniaŭ Vašynhtona, turecki lidar zhadaŭ Rasiju, Kitaj i Kanadu.
Mahčymym adkazam na dziejańni ZŠA Erdahan nazvaŭ bajkot amierykanskaj elektronnaj pradukcyi i raźvićcio nacyjanalnaj vytvorčaści. «My budziem vyrablać i pradavać pradukty, jakija buduć lepš za tych, što my kuplajem za zamiežnuju valutu. I my budziem bajkatavać amierykanskuju elektroniku», - cytuje słovy ź jaho vystupu Anadolu. Prezident nahadaŭ, što ŭ śviecie jość alternatyva pryładam, vyrablenym u ZŠA. «Kali ŭ ich jość iPhone, to, z druhoha boku, jość i Samsung», - padkreśliŭ jon.
