Hienbank, adzin z najbujniejšych bankaŭ u Krymie, u aŭtorak, 14 žniŭnia, spyniaje absłuhoŭvańnie kart Visa i MasterCard. Jany buduć zabłakavanyja. U Krymie žyvuć amal 2 miljony čałaviek, u ich bolš niama mahčymaści atrymać karty mižnarodnaj apłatnaj sistemy.
Zajavu ab tym, što bank nie budzie bolš absłuhoŭvać karty Visa i MasterCard, u tym liku i tyja, u jakich jašče nie skončyŭsia termin prydatnaści, raspaŭsiudzili ŭ kancy minułaha tydnia. Pa słovach niekalkich klijentaŭ banka, im prapanujuć zamianić ich na kartu apłatnaj sistemy «Mir». Jaje apierataram źjaŭlajecca «Nacyjanalnaja sistema płaciežnych kart», jakaja naležyć rasijskamu Centrabanku.
«Hienbank pierajšoŭ na karty «Mir» sa studzienia. Pieravypusk idzie sa studzienia, klijentam banka niekalki razoŭ rassyłalisia apaviaščeńni z zaprašeńniem ab atrymańni karty. Heta ŭžo apošniaje papiaredžańnie dla tych klijentaŭ, chto nie paśpieŭ źviarnucca pa tych ci inšych pryčynach», — skazaŭ śpiecyjalist koł-centra Hienbanka.
Da 2017 hoda aproč Hienbanka karty mižnarodnych płaciežnych sistem Visa i MasterCard vypuskaŭ jašče bank «Rubloŭ». Ale ŭ červieni hetaha hoda rasijski Centrabank adklikaŭ u jaho licenziju.
