Ministr infrastruktury Ukrainy Uładzimir Amialan padpisaŭ «histaryčny dakumient», jaki tyčycca transpartnych znosin z Rasijaj. Pra heta jon paviedamiŭ u kamientarach pad dopisam ukrainskaha vydaŭca Alaksandra Krasavickaha ŭ fejsbuku.
«Pra pierajmienavańni. Kijeŭski vakzał Maskvy spačatku nazyvaŭsia Branskim, kali jašče vietka da Kijeva nie była prakładziena. Namahańniami Uładzimira Amialana chutka jamu viernuć histaryčnuju nazvu», — napisaŭ Krasavicki.
Televiadučaja Janina Sakałova prakamientavała: «Uładzimir Amialan, admianiajcie ŭžo, nie mučajcie».
Amialan adkazaŭ: «Pracujem. Siońnia padpisaŭ adzin histaryčny dakumient. U Maskvu buduć tolki miadźviedzi chadzić, jak u staryja dobryja časy».
Zatym ministr dadaŭ, što anansavanyja abmiežavańni buduć tyčycca nie tolki čyhunačnych pasažyrskich znosin, ale padrabiaznaściej nie raskazaŭ.
