Złačynstva ŭ vioscy Vialikaja Uchałoda było ździejśniena ŭ kancy studzienia. Pad padazreńnie śledčych trapiŭ 34-hadovy syn zabitaha. Rasśledavańnie spravy zavieršana, mužčynu pradjaŭlenaje abvinavačvańnie, raspaviali mlyn.by ŭ Śledčym kamitecie.
U kancy studzienia ŭ kvatery ŭ vioscy Vialikaja Uchałoda Barysaŭskaha rajona byŭ znojdzieny 65-hadovy haspadar biez prykmiet žyćcia.
Śledčyja vyjavili, što dačynieńnie da ździajśnieńnia złačynstva maje syn zabitaha. Jon nie pracuje, maje źniatuju i pahašanuju sudzimaść, žyŭ razam z baćkam.
Na praciahu rasśledavańnia 34-hadovy mužčyna błytaŭsia ŭ pakazańniach, sprabavaŭ pradstavić spravu tak, byccam pažyły čałaviek upaŭ i ŭdaryŭsia sam. Śledčyja praviali pravierki pakazańniaŭ na miescy..
- Rasśledavańniem ustanoŭlena, pamiž svajakami adbyŭsia kanflikt z-za traty hrošaj, - patłumačyła pradstaŭnik SK Taćciana Biełanoh. - Napiaredadni abvinavačvany pakinuŭ 10 rubloŭ na chaładzilniku. Kali daviedaŭsia pra toje, što ich uziaŭ baćka, mocna razzłavaŭsia i ŭ stanie ałkaholnaha apjanieńnia staŭ źbivać rukami i nahami lažačaha na łožku mužčynu. Toj ad źbićcia pamior.
