Papa Rymski Francišak napisaŭ list, u jakim pierad katalikami ŭsiaho śvietu pryznaŭ fakt seksualnaha hvałtu ŭ adnosinach da niepaŭnaletnich z boku śviataroŭ.
U liście «narodu Božamu» Francišak paabiacaŭ nie pakryvać złoŭžyvańniaŭ uładaj i sumleńniem z boku śviataroŭ i pradstaŭnikoŭ duchavienstva.
List taksama spasyłajecca na niadaŭni dakład Vialikaha žury ŭ štacie Piensilvanija, ZŠA. Papa Rymski adznačyŭ, što, choć bolšaść vypadkaŭ u spravazdačy «naležać minułamu», hetyja złoŭžyvańni doŭhi čas ihnaravalisia i zamoŭčvalisia.
Nahadajem, što rasśledavańnie ŭ štacie Piensilvanija vyjaviła, što ŭ šaści katalickich jeparchijach štata tysiača dziaciej stała achviarami hvałtu z boku jak minimum 300 pradstaŭnikoŭ duchavienstva z 1947 hoda.
0
0
0
0
0
0