flickr.com
Prezident ZŠA Donald Tramp ŭ intervju Reuters nazvaŭ umovy, pry jakich jon budzie hatovy razhledzieć mahčymaść źniaćcia z Rasii sankcyj. Takoje, pa słovach kiraŭnika Štataŭ, moža adbycca tolki ŭ vypadku, kali Maskva stanie rabić jakija-niebudź kroki dla supracoŭnictva z Vašynhtonam pa takich pytańniach, jak, naprykład, Siryja i Ukraina.
«Ja heta razhledžu, kali jany zrobiać što-niebudź na našu karyść. Ale biez hetaha ja heta razhladać nie źbirajusia», - padkreśliŭ Tramp. Palityk taksama čarhovy raz nastajaŭ na tym, što, niahledziačy na ciopłuju atmaśfieru na samicie z rasijskim lidaram Uładzimiram Pucinym, u adnosinach da Rasii jon, na jaho dumku, pavodzić siabie bolš žorstka, čym luby inšy prezident ZŠA.
Raniej, u žniŭni minułaha hoda, anałahičny punkt hledžańnia adnosna sankcyjaŭ vykazała i kancler Niamieččyny Anhieła Mierkiel. Dla taho, kab z Rasii byli źniatyja jeŭrapiejskija abmiežavańni, pavinna być likvidavanaja pryčyna ich uviadzieńnia - kryzis va Ukrainie, padkreślivała jana.
