Pra što ž novaja kazka? Pra toje, što zdaryłasia ź litaraj Ŭ i jaje siabrami ŭletku i ŭvosień.
Paśla taho, jak zły čaraŭnik Ziuzia byŭ pieramožany i nadyšła Viasna, a potym i Leta. Jaryła-Sonca sahravaŭ ziamlu, pryroda i ludzi ciešylisia.
Ale pierastali ludzi Jaryłu pavažać, stali kazać, što niepatrebien Jaryła, dy i naohuł duchi biełaruskaj ziamli, dy i sama Biełaruś ź jaje kulturaj, movaj i staradaŭnimi zvyčajami, a sonca i tak śviacić budzie.
Sprabavała Litara «Ŭ» utrymać ludziej, ale jany nie słuchali. Bolš za toje — skazali, što litary takoj nie viedajuć i viedać nie chočuć. Tolki biełaruskija dzieci ŭsio zrazumieli — ale što ž jany, małyja, mohuć zrabić?..
Razumnaja Litara «Ŭ» vyrašyła Jaryłu ratavać…
Heta treci śpiektakl sieryi. Pakazy dźviuch papiarednich kazak pra pryhody litary Ŭ i jaje siabroŭ — «Jak litara Ŭ uratavała Kalady» i «Jak litara Ŭ viasnu hukała» z pośpiecham prajšli ŭ Minsku, a taksama ŭ Ašmianach, Halšanach, Astraŭcy.
«Niečakana my zrazumieli, što takoha prajektu paprostu niama na rynku» — kaža aŭtar prajekta, muzyka i pradusar Raman Arłoŭ, jaki piša da cykła kazak muzyku, teksty i libreta.
Režysioram dy vykanaŭcaj hałoŭnaj roli vystupaje Kaciaryna Pocius. U faje hledačy pabačać autentyčnyja narodnyja pieśni i tancy ad škoły tradycyjnaha mastactva Viktoryi Michna.
Kazku «Jak litara Ŭ Jaryłu-Sonca ŭ vyraj vypraŭlała» pakažuć 22 vieraśnia, (subota) u Maładziožnym teatry estrady (vuł.Maskoŭskaja, 18a). Pačatak a 16:00.
Padčas śpiektaklu ŭsie dzieci atrymajuć sałodki pačastunak ad stałaha partniora prajekta — kampanii «Ajs Kinh».
Kvitki ŭžo źjavilisia ŭ prodažy.