Brescki mastak Illa Dudaraŭ stvaryŭ 18-santymietrovuju aramatyčnuju śviečku ŭ formie biusta Alaksandra Łukašenki, paviedamlaje Tut.by.
«Prezidenckaja» aramatyčnaja śviečka stała praciaham tvorčaha prajekta, jakomu majstar pryśviačaje ŭvieś svoj volny čas: niekalki miesiacaŭ tamu Illa Dudaraŭ vyrašyŭ zrabić kalekcyju biustaŭ Alaksandra Łukašenki.
— Ja chacieŭ ich paśla padaryć našym čynoŭnikam, u jakaści stymulatara pracazdolnaści. Tam u jaho surovy pohlad. Na biust hladziš — i adrazu chočacca pracavać, — śmiajecca aŭtar rabot.
Ciapier u kalekcyi mastaka — kala 10 hipsavych biustaŭ prezidenta vyšynioj 18 santymietraŭ.
Dla vyrabu «prezidenckaj» śviečki majstar vykarystaŭ tuju ž silikonavuju formu, što i dla hipsavych biustaŭ. Tamu vyrab atrymaŭsia takoj samaj formy i pamieru, ale z aramatyzatarami. Parafinavy biust pachnie abrykosam i imbiram.
— Śviečka smačna pachnie. Adrazu pačynaješ lubić Biełaruś, — śmiajecca aŭtar.
