Hihancki harbuz, jaki vyhadavała na svaim učastku haradzienskaja siamja Haŭraninych, užo staŭ sapraŭdnaj słavutaściu ŭ dačnym pasiołku. Zaraz płod važyć užo 400 kiłahramaŭ. A harbuz tym časam praciahvaje raści, paviedamlaje Tut.by.
Fota: Tut.by.
U siamji spadziajucca pakaštavać svajo tvareńnie. Ale pa-sapraŭdnamu, što rabić dalej z harbuzom, haspadary pakul nie viedajuć.
Siarhiej kaža, što adnojčy ŭbačyŭ u internecie padobny vielizarny płod i vyrašyŭ vyraścić taki ž na dačy. Nasieńnie zakazvaŭ u Amierycy i ŭvieś siezon bieražliva hadavaŭ harbuz, abryvajučy niepatrebnuju zaviaź.
— Kali b ich było tut bolš, to jany b nie vyraśli takimi vializnymi, — kaža Siarhiej i dadaje, što vialikich pamieraŭ harbuz dasiahnuŭ jašče i dziakujučy ciopłamu letu.
Pakul harbuz nichto nie padymaŭ, kab dakładna ŭzvažyć. Ale Siarhiej kaža, što jość sistema, jakaja dazvalaje vyznačyć vahu płoda. Harbuz abmierali, a potym vyličyli — važyć jon amal 400 kiłahram i dasiahaje 375 santymietraŭ u akružnaści.
Kolki dakładna harbuz važyć, možna budzie daviedacca vosieńniu.
Harbuz u aharodzie Siarhiej i Ludmiła płanujuć pakinuć da chaładoŭ.