U internecie apublikavana videa kanfliktu ŭ Pinsku. DAI evakujavała aŭtamabili, pryparkavanyja z parušeńniem praviłaŭ kala rynka.
Adzin ź ludziej padyšoŭ da daišnika i zapatrabavaŭ, kab toj pradstaviŭsia: «Ja — hramadzianin! Ty pavinien pakazać, chto taki!»
Jon pa čarzie nazyvaŭ «kłoŭnami» to kiroŭcu evakuatara, to daišnika. Što jany adkazvali, na videa nie čuvać.
Urešcie daišnik vystaviŭ napierad ruku i, mahčyma, dakranuŭsia da nieabyjakavaha minaka. Toj u adkaz udaryŭ milicyjanta.
Bojka praciahvałasia niekalki siekund, paśla čaho kiroŭca evakuatara dapamoh zatrymać čałavieka. Zatrymańnie atrymałasia davoli žorstkim — daišnik prymianiŭ udušajučy pryjom.
Vakoł sabraŭsia natoŭp. Žančyny sprabavali raściahnuć daišnika i minaka, jak raptam razdaŭsia kryk «Zabili!»
Ad udušajučaha pryjomu minak straciŭ prytomnaść. Pakul vyklikali chutkuju i rabili štučnaje dychańnie, natoŭp nakinuŭsia na daišnika. Toj sprabavaŭ davieści svaju racyju, ale marna.
Jak stała viadoma paźniej, minak aprytomnieŭ.
