U Finlandyi pačali kłaści truby hazapravoda «Paŭnočny patok - 2», paviedamlaje ria.ru sa spasyłkaj na Nord Stream 2 AG.
«Siońnia U 13:25 (pa centralnajeŭrapiejskim časie) sudna Solitaire pačało pracu pa ŭkładcy hazapravoda «Paŭnočny patok - 2» u Finskim zalivie», - udakładnili ŭ kampanii.
Płanujecca, što pracy buduć iści kruhłasutačna i biez vychadnych. «Da i paśla kładki trub daśledčaje sudna budzie vykonvać abśledavańnie marskoha dna dla pravierki dakładnaha stanu hazapravoda», - dadali ŭ Nord Stream 2 AG.
Usie miery biaśpieki ŭzhodnienyja z transpartnym ahienctvam Finlandyi i pamiežnaj słužbaj, a pracy iduć pad kantrolem nacyjanalnych uładaŭ.
«Paŭnočny patok - 2» praduhledžvaje budaŭnictva dvuch nitak hazapravoda ad rasijskaha ŭźbiarežža da Hiermanii praz Bałtyjskaje mora. Trubapravod płanujecca prakłaści pobač ź dziejučym «Paŭnočnym patokam».
Jon projdzie praz terytaryjalnyja abo vyklučnyja ekanamičnyja zony krain, raźmieščanych la bierahoŭ Bałtyjskaha mora, - Rasii, Finlandyi, Šviecyi, Danii i Hiermanii. Dazvołu na budaŭnictva kampanii-apierataru «Paŭnočnaha patoku - 2» Nord Stream 2 AG vydali ŭsie hetyja dziaržavy, akramia Danii.
