Ivan Naskievič. Fota sk.gov.by
Staršynia Śledčaha kamiteta Ivan Naskievič vykazaŭsia ŭ efiry «Biełaruś-1» nakont «spravy BiełTA»:
«Z punktu hledžańnia śledčaj situacyi banalnaja, prostaja sprava. Jana nie ŭjaŭlaje nijakaj składanaści ŭ rasśledavańni. Inšaje pytańnie, što ŭ im zamiašanyja žurnalisty i heta vyklikała šyroki hramadski rezanans. Ci byŭ pravavy nihilizm u hetaj situacyi — ciažka skazać. Na samoj spravie tyja faktyčnyja dadzienyja, jakija my majem, kažuć pra toje, što fihuranty razumieli, što jany robiać. I, na vialiki žal, albo abyjakava da hetaha pastavilisia, albo śviadoma stupili na hety šlach.
Heta złačynstva nie ŭjaŭlaje vialikaj hramadskaj niebiaśpieki, i, napeŭna, pra niejkija surovyja miery pakarańnia havorki być nie moža.
Tym nie mienš fakt jość fakt. Heta precedent».
Nahadajem, u žniŭni 2018 hoda prajšli pieratrusy i zatrymańni ŭ ofisach TUT.BY i BiełaPAN. Byli zatrymanyja niekalki žurnalistaŭ i redaktaraŭ, u tym liku kiraŭnica TUT.by Maryna Zołatava. U jaje adnosinach zaviedziena kryminalnyja sprava za «biaździejnaść», u adnosinach inšych — «niesankcyjanavany dostup da kampjutarnaj infarmacyi». Miarkujecca, što jany ŭvachodzili ŭ płatnuju stužku BiełTA pa čužym paroli.
